عرض خاص لأصحاب النوادي والفرق الرياضية
قاعة رياضية، فريق ديال الكورة، نادي ديال الكاراطي ولا أكاديمية —
GymPay
كيجمع ليك المنخرطين، الخلاصات والتأخيرات ف بلاصة
وحدة غير من التيليفون .
عرض خاص ومحدود
على 2 شهرين كاملين
من بعد كتبقى 200 درهم ف الشهر. بلا التزام، وتقدر توقّف وقتما بغيتي.
كتخدم بجهد كبير باش تجيب المنخرطين وتخليهم راضيين. ولكن ملي كيجي وقت الفلوس، كولشي كيتخربق: كنّاش مقروض، أوراق ضايعة، وأسماء ماعارفش واش خلّصو ولا لا.
النتيجة؟ كل شهر كتضيع عليك فلوس ماكتحسبهاش. غير واحد ولا جوج ديال المنخرطين اللي فاتوك، مضروبين ف 12 شهر، كيولّيو مبلغ كبير غادي ف الريح.
والأصعب من هادشي هو الوقت. الساعات اللي كتقضيها ف الحساب والتلفونات، كان خاصك تقضيها ف تطوير النادي وجلب منخرطين جداد.
الحل
تطبيق مغربي 100%، بالعربية والدارجة، خدّام من التيليفون ولا من اللابتوب — بلا تنزيل وبلا تعقيد.
ملي كتدخل كتلقى قدامك كولشي: شحال من منخرط عندك، شحال نشيط، شكون معطّل، وشحال دخل ليك هاد الشهر بالدرهم.
زيد منخرط ف أقل من دقيقة بالاسم والرقم والتصويرة. قلّب عليه بالاسم، ولا صفّي حسب المجموعة — الصغار، الكبار، الفريق أ… — وحسب حالة الاشتراك.
منخرط جا يخلّص؟ ضغطة وحدة وصافي. شهري، ديال 3 شهور ولا سنوي — كولشي مسجّل بالتاريخ، وكتقدر تصيفط كولشي ل Excel ملي بغيتي.
مع كل خلاص كيتصاوب إيصال فيه الشعار ديالك، اسم المنخرط، المبلغ والفترة. طبعو ولا صيفطو عبر واتساب. حاجة صغيرة، ولكن كتعطي للنادي ديالك صورة احترافية.
التطبيق كيبيّن ليك بوحدو شكون معطّل وشحال من نهار. كتضغط على زر واتساب وكتلقى الرسالة موجودة بالاسم ديالو — بلا ما تقلّب على الرقم وبلا ما تكتب.
التأمين ديال السنة مشكل ديال كل نادي: شكون خلّصو وشكون لا. GymPay كيسجّلو بالسنة وبالمبلغ، وكتشوف بوضوح شكون باقي خصو يخلّص قبل ما يجي الوقت.
«بعد شهرين من الاستعمال، تجربة ممتازة أعجبتني
— عبد الاله، صاحب قاعة رياضية بطنجة
تطبيق مفيد جدا، سيساعدني على تجنب مشاكل عديدة مع الزبناء لاغير ملتزمين
— مسؤولة عن قاعة رياضية خاصة بالنساء بمدينة تمارة
تطبيق سلس و مفيد جدا لأصحاب النوادي الرياضية، ما يعجبني فيه هو امكانية معرفة كل منخرط بصورته
— أيوب، صاحب نادي ملاكمة بتمارة
عرض خاص ومحدود
على 2 شهرين كاملين
من بعد كتبقى 200 درهم ف الشهر. بلا التزام، وتقدر توقّف وقتما بغيتي.
واجهة بالعربية والدارجة، خدّامة من التيليفون. إلا كتعرف تستعمل واتساب، غادي تعرف تستعمل GymPay.
المعطيات ديالك محفوظة ومحميّة. ماكاين حتى شي حاجة كتضيع ملي كيضيع الكنّاش ولا كيتكسّر التيليفون.
فريق مغربي كيجاوبك بالدارجة. كنعاونوك ف الإعداد من الأول وكنبقاو معاك من بعد.
200 درهم ف الشهر — أقل من الواجب ديال منخرط ولا جوج، وكيرجع ليك بزاف أكثر من هادشي.
عمّر الاستمارة وغادي يتواصل معاك واحد من الفريق ديالنا باش يوريك التطبيق ويعاونك ف الإعداد.
بلا التزام: إلا جرّبتي GymPay وماعجبكش، كتوقّف ملي بغيتي وماكتخلّص والو من بعد.